\
 miss

Бороо надад “Би чиний бүх гунигийг угаачихлаа, инээмсэглэ охин минь, ирээдүй чинь гэрэлтэж байна” гэж шивнэх шиг санагддаг.

\ \
 \
 \
 \
 \
 ИЛYY ихийг DELGETS.COM
 \
 \
 \
 \
 \
 \
 ИЛYY ихийг DELGETS.COM
 \
 \
 \
 \

ИЛYY ихийг DELGETS.COM

\

 

\

 \

\

 ИЛYY ихийг DELGETS.COM

 \

 \

 \

\

 \

 ИЛYY ихийг DELGETS.COM

 

 

 

 

Анхны ном “Өчигдөр”. Та үүндээ бүхий л өчигдрөө багтааж чадсан уу?

-Анх би хоёрдугаар курсын оюутан байхдаа “Үнэн” сонины албан ёсны сурвалжлагч болж байлаа. 16-хан настай байсан. Тэр хамт олны надад өгч байсан итгэлийг одоо ч би хайрлаж явдаг. Ажиллаж эхэлснээсээ хойш маш олон мэдээ, нийтлэлийг хэвлүүлжээ. Анх урлаг, соёлын албанд ажиллаж байхдаа Монголын бараг бүхий л олны танил эрхмүүдтэй ярилцлага хийсэн байсан.
Сургуулиа төгсөх жилдээ тэр ярилцлагуудаа эмхэтгэж “Өчигдөр” нэртэй номоо хэвлүүлж байсан юм. Номынхоо ард МХО-ны “Эрдэм” алтан медальт, Нийслэлийн шилдэг залуу алтан медальт энэ тэр гээд л хамаг цол гуншингаа бичиж байсан (хэ хэ хэ) Одоо эргээд бодоход жаахан ичмээр. Гэхдээ тэр бүхэн миний амьдралын хамгийн гоё дурсамжуудын нэг.\

Таны нэг гоё үг байдаг. “Өчигдрөө би өөрөө босгосон учраас маргаашид минь хэн ч хошуу дүрэхийг би зөвшөөрөхгүй” гэж. Өчигдрөө дурсах хэр дуртай вэ. Хэрэв таны өчигдрийг компьютерт оруулаад “delete” хий, эсвэл “continue” хий гэвэл алийг нь сонгох байсан бэ?

-Өнөөдөр бол өчигдрийн үргэлжпэл. Тиймээс би “өчигдөр” бүхэндээ хайртай. Ер нь би өнөөдөртөө сэтгэл хангалуун амьдрахыг л хүсдэг. Хөндлөнгөөс хэн нэгэн миний амьдралд хошуу дүрэхэд дургүй. Яг би өөрөө өөрийнхөөрөө амьдарч байгаа шиг бусад хүмүүс ч өөрийн урдахь амьдралаа л харах ёстой. Гэтэл өөрийгөө яая гэж байж хүн рүү өлийж, өөлдөг хүмүүс олон байдаг шүү дээ. Өчигдрөө үзэн яддаггүй болохоор “delete” хийхгүй.\

-Одоо ямар чиглэлээр суралцаж байна вэ. Ангийнхан чинь эмэгтэй гэж боддог байх даа?
-Нидерланд улсад анх хөл тавихдаа л би эмэгтэй хүн байсан. Бүгд намайг эмэгтэй хүний хувиар маань харилцдаг. Бичиг баримтны маань зураг, мэдээллүүд хүртэл эмэгтэй. Би Амстердамын Загварын Академи (Amsterdam Fashion Асаdemу)-дэлсэж орохоор бэлтгэлээ хийж байна.\

 Монголчууд хэр байдаг бол, тааралдаж байна уу?
 Анх ирсэн жилээ монголчуудын шинэ жилийн арга хэмжээнд очсон. Бүгд их сайхан хүлээж авсан. Түүнээс байнгын харилцаатай байдаггүй.\

-Найз залуутай болж амжсан уу?
-Яг одоо ганц биеэрээ амьдарч байна. Уулздаг хүн байгаа ч урдаа тавьсан зорилгодоо хүрэхийн тулд сүүлийн саруудад бүх анхаарлаа хичээл номондоо хандуулана гэж шийдсэн.\

-Анх гарч ирж байсан трансжендэр охин, одоогийн Юна хоёрын ялгаа?
- Гурван жилийн өмнө би толгойдоо хиймэл үс зүүчихсэн, нүүрээ аймаар зузаан будаад, янз бүрийн хувцас өмсөөд өөрийгөө гоё харагдаж байна гэж боддог байсан. Одоо би юу гэж бодож байна вэ гэхээр эмэгтэй хүн байна гэдэг чинь гоё даашинз өмсөөд нүүрэндээ баахан будаг нялаад эмэгтэй хүн болчихно гэж байдаггүй юм байна.
Эмэгтэй хүний үнэ цэнэ гэдэг чинь дотроо байдаг юм байна. Харагдах байдал бол ерөөсөө чухал биш гэж би боддог болсон. Өнгөрснөө зурагнаас харахад хичнээн хиймэл үстэй, аймаар будсан ч гэсэн дурсамжиндаа хамгийн их хайртай. Хорь гаруй жилийн эрэгтэй хүний амьдралаа өөрчлөхийн тулд үсээ ургуулах, хүний нүдэнд яаж цэвэрхэн харагдах вэ, ямар хувцас өмсөх вэ гэсэн өндөр шаардлага гарсан.Тийм ч учраас даруухан, гоё эмэгтэй болъё гэж бодсон. . Надад зөндөө он жилүүд байгаа болохоор би улам л гоё эмэгтэй, ухаалаг эмэгтэй болохын төлөө хичээж байгаа.\

 Ээж, дүүгээ их санаж байгаа байх. Тэдэнтэйгээ холбоотой байдаг уу?
-Хорвоо дээрх ганц дүүгээ маш их санадаг, ээжийгээ, эмээгээ, ах нар, эгчийгээ аймшигтай ихээр санадаг. Гэхдээ миний урдаа тавьсан зорилго байгаа учраас зорилгодоо хүрээд маш хүчирхэг эмэгтэй болсны дараа хайртай бүх хүмүүстэйгээ уулзана гэдэгтээ итгэлтэй байдаг.

-Санхүүгийн асуудлаа яаж шийдэж байна?
-Би яг одоо залуу ядуу хүн шүү дээ. Бусдаас илүү баярхах янз бүрийн юм байхгүй. Нидерландын Засгийн газраас Амстердам хотын төвд байр өгсөн. Тиймээс үнэтэй байранд амьдарч байгаадаа маш их баярладаг. Хоёрдугаарт би оюутны тэтгэлэг авдаг. Тэтгэлгийнхээ мөнгийг бүх зүйлдээ хүргэх шаардлагтай, хүргэж ч амьдарч байна даа.

Ярилцсанд их баярлалаа. Танд амжилт хүсье.

Т.Юна: Миний амьдрал реалити шоу биш

  -Амстердамд амьдраад нэлээд хугацаа өнгөрчээ. Хоёр жил болчихов уу? Хэр идээшиж байна даа. Амстердамын сонин сайхнаас хуваалцаач? Бэлгийн цөөнхийг хэр хүлээж авдаг орон байна вэ?

-Харин тийм ээ, хоёр жил болох гэж байна. Нүд ирмэх зуур л өнгөрчихөж.

Дэлхийн хаана ч амьдарсан би эх дэлхийнхээ иргэн нь. Недерланд дэлхийн хамгийн амар тайван улсуудын нэг. ЛГБТ хүмүүсийн хувьд ч амьдрахад таатай улсуудын жагсаалтад дээгүүрт орно. Хуулиараа хүлээн зөвшөөрчихсөн. Хууль нь ч хүмүүсийг заавал ойлго, ойлгохгүй бол шийтгэнэ гэж хүчилсэн маягаар үйлчилдэггүй байх.  Гудамжинд гей залуус хөтлөлцөөд алхаж байна, үнсэлцэж байна, тэглээ гээд тэр бүхнийг харж суугаа хүүхдийнхээ нүдийг аав ээж нь таглахгүй байна. Чи яагаад ижил хүйстэнээ сонирхдог юм бэ гэж асуувал урдаас чинь чи тэгвэл яагаад эсрэг хүйстэнээ сонирхдог юм гэж л асуух тийм эрх тэгш нийгэм.

-Эх орноо, гэр бүлээ мэдээж санаж байгаа байх. Зөвхөн гэр бүлээ, эх орноо л санаж байна. Бусдыг нь бол биш гэж хэлснийг тань санаж байна?

-Хүний эх орон, элгэн садан, төрсөн нутаг ус, эх хэл, ёс заншил гээч зүйл энэ биеийн нэг хэсэг гэж би боддог. Тийм нандин бүхнийг санагалзах үе байлгүй яахав. Харин “бусдыг нь бол биш” гэсэн нь учиртай. Ер нь би арван жилийн сургуулийн бага ангид байхдаа “охин”, дунд ангидаа “хүүхэн”, ахлах ангидаа “манин” хочтой болоод төгсөж байлаа. Гэлээ ч бууж өгөөгүй. Хөвгүүд намайг зодоод, шоолоод байна гээд сургуулиа хаяагүй. Харин бусдаас илүү сурна гэж шүд зуудаг байсан.  Сайн сурсан, их сургуульд орсон, аль болох өөгүй байя гэж хичээсэн..Гэвч монголоос гарах хүртэл бүхэл бүтэн хорь гаруй жил надад өөрөөрөө байх орон зай байгаагүй.

Бритни Спирсийг хүртэл монголоороо “янхан” гээд бичиж суугаа хүмүүсийг би лав эрүүл сэтгэхүйтэй гэж хэлж чадахгүй. Тиймэрхүү хүмүүсээс, тийм нийгмээс юу хүсч, найдаж хүлээх юм бэ. Тэгж өөртөө стресс хурааж байснаас зүгээр л мартсан нь дээр. Азаар миний блог, фэйсбүүкээр маш гайхалтай, зөв бодол, сайхан энергитэй хүмүүс зочилдог. Тэднийхээ ачаар би илүү эрч хүчтэй, урамтай алхаж чаддаг.

 

-Монголд бэлгийн цөөнхийг таниулсан хүний тоонд Ганбууш зүй ёсоор багтах байх. Та энэ хүний тухай ямар бодолтой байдаг вэ?

-Гамбуушийг зүс л мэднэ. Танихгүй шахуу. Сэтгэлийн их зориг, тэвчээрийг нь мэдээж үнэлдэг. Сүүлд мэс засалдаа орсон тухай нь сонссон. 60 гарсан хүн гээ биз дээ. Хүний хүсэл мөрөөдөл аугаа юм даа гэж бодож суулаа.

-Таныг блог хөтөлдөг гэдгийг олон хүн мэддэг. Блогтойгоо хүртэл хангалттай нээлттэй харилцаж чадахгүй үе байдаг гэж бичсэн байсан. Блог дээр бичээгүй тэр зүйлийнхээ тухай ярьж болох уу?

-Үзэж туулсан минь илүү хашир болох хангалттай шалтгаан мөн байх аа. Урьд нь их нээлттэй бичдэг байжээ. “Анх удаа юу яалгасан минь” энэ тэр гэж саяхан уншчихаад ганцаараа баахан инээсэн шүү, нүүр ч улайх шиг /инээв/. Хүний нууц амраг боллоо, хүчиндүүлэх шахлаа, олны танил дуучин залуу, хайр дурлал гээд л бичээгүй сэдэв бараг үгүй  юм билээ. Би алдаж оноод л явж байгаа залуу хүн. Бусдаас өөр гэчих юм надад үнэхээр байхгүй гэсэн утгаар тэгж нээлттэй, хамаг бүхнээ бичдэг байсан юм. Бид нар энгийн л хүмүүс, амьдрал дээр хүмүүсийн хийдгийг хийж, уйлахдаа уйлж, дуулахдаа дуулж суудаг юмаа гэдгийг бусдад ойлгуулахсан гэдэг хүсэл надад байдаг байлаа.

-Амьд хөгжим сонсдог юм билээ. Хөгжмөөр дамжуулж хамгийн сайхан зүйлийг мэдэрдэг байх. Үүнээс гадна ямар зүйл сонирходог вэ? Цэцгэнд их дуртайг тань мэдэх юм байна?

-Бүхий л хөгжмийн урсгалыг ойлгодог, хүндэлдэг. Харин тэр дундаас “амьд мэдрэмж”-ийг онцолдог. Commercial маягын бүтээлүүдээс зүрхний угт хүрсэн нэг их гоё мэдрэмж авахад хэцүү шүү дээ. Цэцэгний тухайд гэвэл, цэцгэнд дургүй эмэгтэй хүн ховор байх аа. Эмэгтэйчүүдийн ертөнц их ихэмсэг, нандин. Цэцгийг би эмэгтэй хүнтэй зүйрлүүлэх дуртай. Өөр сонирхол гэвэл мэдээж бичих. Миний мэргэжил сэтгүүлч болохоороо ч биш, би зүгээр л бичих дуртай. Бичих бол миний хувь тавилан гэж боддог шүү.

-Нээрээ Амстердамд очоод найз залуутай болсон уу? Одоо хэн нэгэн таны хажууд байгаа юу?

-Хайр дурлал залуу насанд өнгө нэмнэ. Хааяа болзоонд явдаг, бөөн адал явдал шүү дээ /инээв/.

-Хэзээ нэгэн цагт хүүхэд өргөж авна гэж байсан. Ойрын хугацааны төлөвлөгөөнд тань хараахан багтаагүй байх даа?

-Хүүхэд өргөж авснаар ганцхан би өөрийнхөө сэтгэлийг нөхөх биш, хэн нэгэн хөөрхий хүүхдэд аз жаргал бэлэглэх юмсан, эцэг эхийнх нь түүнд өгөөгүй хайрыг өгөх юмсан гэдэг утгаар нь энэ талаар боддог юм.

-Таны хувьд аз жаргал гэж чухам юу вэ?

-Дэргэд нь аз жаргал байсаар байтал хүмүүс өөрийгөө аз жаргалгүй байна гэж боддог. Саяхан зурагтаар хорт хавдартайгаа тэмцэж, дахиад хором ч атугай амьдрахсан хэмээн тэмүүлж байгаа хөөрхий хүмүүсийн талаар үзээд сэтгэл их өвдсөн. Нэг хэсэг хүмүүс тэнд ганцхан хормын төлөө тэмцэж байхад нөгөө хэсэг нь өчнөөн олон тийм үнэ цэнэтэй хормыг зүгээр л бусдыг доромжлоход зориулаад өнгөрч байна. Дэндүү шударга бус. Бидний хүссэнээрээ алхаж байгаа алхам бүр, хүссэнээрээ амьсгалж буй агаар гээд энэ бүхэн бүгдээрээ аз жаргал.

-Амстердамын тэнгэр өнөөдөр ямар байв. Танд юу гэж шивнэв?

-Бороотой байна. Бороо надад дандаа “Би чиний бүх гунигийг угаачихлаа, инээмсэглэ охин минь, инээмсэглээд л алхаад бай, ирээдүй чинь гэрэлтэж байна” гэж шивнэх шиг санагддаг шүү.

-Сонирхолтой яриа өрнүүлсэн танд баярлалаа

-Баярлалаа. Танай сайтын хамт олон, уншигчиддаа хамгийн сайн сайхан бүхнийг хүсье.